Su topu

Xiyar bədənimiz üçün təbii “rütubətləndirici”dir və ən çox cildimizə faydası var. Kalium tərkibinə görə, xiyarın təmizləyici və qan təzyiqini azaltma xüsusiyyətləri var.

Sulandırıcı ləzizlik

3000 ildir tanınan ən qədim bitkilərdən biri. Vətəni Hindistandır. Qədim Romada delikates kimi məşhur idi. Xiyar Şimalı Avropada (Fransa) 9-cu əsrdə yetişdirilməyə başlanmışdır. Amerikaya İspanlar tərəfindən aparılmışdır. 19-cu əsrdə onu çiy şəkildə yeməyə başlamışlar. Hazırda, salatlarda, dadlandırıcılarda, sendviçlərdə istifadə olunur. Sukkini kimi onu da isti şəkildə hazırlamaq olar. Xiyar turşusu Şərqi Avropa mətbəxinin dadlı delikatesidir.

Təravətləndirici

Xiyardan barmenlər də istifadə edir. “Bloody Mary” (Qanlı Meri) üçün bəzək, eləcə də həm alkoqollu, həm də alkoqolsuz içkilər üçün inqredient kimi istifadə olunur. Məsələn: alkoqollu içkilərdən xiyar, limon və nanəli soyuq vodka, alkoqolsuz içkilərdən buz və limon, xiyarla qarışdırılmış şəkərli sərinləşdirici su.