Bu sayt məlumatları saxlamaq üçün kukilərdən istifadə edir. Saytdan istifadə etməyə davam etməklə siz bu faylların istifadəsinə razılıq verirsiniz.
Bonduelle şirkətlər qrupu «BCorp™» sertifikatına layiq görülüb
Bonduelle olaraq inanırıq ki, biznes təkcə iqtisadi cəhətdən səmərəyə köklənməməli, həm də cəmiyyət üçün faydalı olmalıdır. Dayanıqlı inkişaf və sosial məsuliyyət sahəsindəki təcrübələrimiz bu yanaşmanın birbaşa təzahürüdür. Məhz buna görə də dünya üzrə bütün bölmələrinin « BCorp™» sertifikatına layiq görüldüyü bir şirkət olduğumuzla fəxr edirik.
«BCorp™» sertifikatı nədir?
«BCorp™» sertifikatı sosial və ekoloji səmərəlilik, şəffaf biznes fəaliyyəti və məsuliyyət üzrə yüksək standartlara cavab verən şirkətlərə verilir.
«BCorp™»un hissəsi olmağın mahiyyəti:
- «iqtisadi səmərəlilik ilə ətraf mühit üçün faydanı bir araya gətirmək: sosial təşəbbüslərə töhfə vermək, tərəfdaşlar, tədarükçülər, əməkdaşlar, yerli icmalar ilə dürüst münasibətlər qurmaq, ətraf mühitə təsiri minimuma endirmək. »
- biznesdə uğur qazanmağa yeni bucaq altından baxan, onu planetin rifahı ilə əlaqələndirən və öz işgüzar təcrübələrini daim təkmilləşdirən şirkətlərin qlobal hərəkatının bir hissəsi olmaq.
Şirkətimizin «BCorp™» sertifikatına yanaşması
«BCorp™» sertifikatı – davamlı inkişaf strategiyamızın, eləcə də insanları öz rifahları və planetin sağlamlığı üçün rasionlarını bitki mənşəli qidalarla zənginləşdirməyə ruhlandırmaq missiyamızın həyata keçirilməsində növbəti mühüm addımlardan biridir.
Bu sertifikatlaşdırma şirkətin fəaliyyətinin beş istiqamət üzrə dərindən auditini əhatə edir: korporativ idarəetmə, işçi heyətilə işləmə, yerli icmalarla qarşılıqlı əlaqə, müştəri və istehlakçılarla münasibətlər və ekoloji təsir. Yalnız reytinqi 200 xaldan 80-nin üzərində olan şirkətlər «BCorp™» hesab oluna bilər. Bu sertifikat üç il müddətində etibarlıdır, sonra isə şirkətlər standartlarını qoruduğunu və ya təkmilləşdirdiyini sübut etmək üçün qiymətləndirmədən yenidən keçməlidirlər. Bu cür kompleks yanaşma proseslərimizin davamlılığına və dayanıqlılığına zəmanət verməklə yanaşı bütün maraqlı tərəflərin rifahı üçün çalışmağımıza imkan yaradır.
Daimi təkmilləşməyə sadiqliyimiz
«BCorp™» sertifikatının qazanılması şağıdakı əsas sahələr üzrə işgüzar təcrübələrimizin daimi təkmilləşdirilməsinin məntiqi nəticəsidir:
Keyfiyyətə zəmanət və məhsulun təhlükəsizliyi
Bonduelle çeşidlərinin 98%-i istehlakçılara faydalı maddələrin mövcudluğunu beşballıq şkala ilə əyani şəkildə əks etdirməklə ərzaq məhsullarının qidalılıq dəyərinin kompleks qiymətləndirilməsi olan Nutri‑Score sisteminə görə ən yüksək hesab edilən A və B reytinqlərinə malikdir ki, burada «A» və «B» müvafiq olaraq maksimum və yüksək qidalılıq və qida dəyərini bildirir.
Ekoloji istehsal
Biz ətraf mühitə təsiri azaltmaq üçün bütün sahələrdə bərpaedici əkinçilik prinsiplərini və resurslara qənaət proqramlarını tətbiq edirik.
Sosial töhfə
Sahələrimizin 100%-i fəaliyyət göstərdiyimiz bölgələrdə könüllü və xeyriyyə təşəbbüslərində iştirak edərək insanların rifahına yaxşılaşdırır.
Şəffaflıq və etika
Əməliyyatların idarə edilməsinin bütün mərhələlərində şəffaflıq nümayiş etdiririk.
Gələcəyə hədəflərimiz
Biznesin müsbət dəyişikliklərə yol açdığı «BCorp™» yanaşması bizi ilhamlandırır. Bu icmanın bir hissəsi olmaq bizim üçün böyük şərəf və məsuliyyətdir. Komandalarımız, tərəfdaşlarımız və bütün maraqlı tərəflərlə birlikdə biz, biznesin cəmiyyətin rifahına və ətraf mühitin qorunmasına mühüm töhfə verməklə çiçəklənə biləcəyi bir gələcək qururuq. «BCorp™» sertifikatında çıxdığımız bu yol hamı üçün daha yaxşı gələcək qurmaq üzrə qlobal missiyamızın addımlarından yalnızca biridir.
Bizə qoşulun: gəlin dünyamızı birlikdə gözəlləşdirək!
Bizimlə əlaqə
Müraciətin mövzusunu seçin
