Bişirmənin və buxara verməyin sirləri

Ənənəvi bişirmə

Bişirmə prosesinə ərzağı qaynayan suda 90-100ºC temperaturda isitmək daxildir. Bu proses bişirilən məhsulun tərkibində toxumaların yumşalmasına və qida elementlərinin həll olmasına səbəb olur. Ənənəvi bişirmə zamanı qidanın tərkibindəki vitamin və mineralların 40%-i itir, C vitamininin isə 70%-i itkiyə gedir. Bu itkini mümkün qədər azaltmaq üçün məhsulu birbaşa qaynayan suya salmaq lazımdır. Həmçinin, bişmə vaxtı qısa olmalıdır. Ona görə də, suyu qaynadın və bişmə prosesini qapağın altında edin.

Buxara vermək

Buxara vermək qidanı hazırlamağın ən sadə və sağlam metodlarından biridir. Bu prosesə ərzağı buğa vermək daxildir. Məhsullar suya batırılmamalıdır. Bununla, onlar təbii dadını, möhkəmliyini və rəngini saxlayır, eləcə də qidalandırıcı elementlər itkiyə getmir. Bu yolla hazırlanan yeməklər, həddindən artıq ədviyyat tələb etmir. Buxara verilmiş qida ilə, duzdan istifadəni tərgitmiş olarıq. Bu yolla hazırlanan yeməklərin daha az kalorisi olur və həzmi asan olur.Buxara verməyin digər bir üstünlüyü odur ki, enerjiyə və vaxta qənaət olunur, çünki ənənəvi bişirmə üsulundakı Kimi nəzarət tələb etmir. Bu metod xüsusi avadanlıq tələb etmir və bu digər bir üstünlükdür. Altı qalın olan və içinə səbət qoyula bilən qazan kifayətdir.