Vitamin B

B vitaminləri orqanizm üçün son dərəcə önəmlidir. Onlar fermentlərin bir hissəsidir və ya onları aktivləşdirir. Bu səbəbdən onlar hüceyrə mübadiləsinə və bədəndə gedən bütün proseslərinin özəyinə təsir edir. B qrup vitaminləri ilk növbədə sinir sisteminin düzgün fəaliyyətinə və nəticə etibarilə ruhi sağlamlığa cavabdehdir.

B qrup vitaminlərinin çatışmazlığı ciddi problemlərə gətirib çıxara bilər. Onların olmaması qan damarlarında dəyişikliklərlə, sinir sistemi pozuntuları və qanda xolesterin səviyyəsinin pozulması ilə nəticələnir.

B qrup vitaminlərinə əsasən arpa və qarabaşaq yarması, içalat, ət, qara çörək, badam, yumurta, gül kələm, kələm, soğan, sarımsaq, Brüssel kələmi, brokoli, ispanaq, lobya və noxudda rast gəlinir. Yadda saxlamaq lazımdır ki, bu vitaminlərə tələbat şirniyyat və karbohidratları həddən artıq qəbul etdikdə daha da artır. Alkoqol, qəhvə və qara çay da B vitaminini məhv edən amillərdəndir.