Ratatuy - Fransadan tərəvəz yeməyi

Ratatuy yeməyinin dadına ilk dəfə Nitsada baxıblar. Əsas maddələr – tərəvəzlərdir: balqabaq və yunan qabağı, pomidor, bibər, badımcan. Belə yeməyi həm əsas yemək, həm də qəlyanaltı kimi verin olar.

1. Badımcanı yuyun və kub şəklində doğrayın.
2. Badımcanların üzərinə duz səpin və aşsüzənə qoyun (bu cür suyu çıxacaq).
3. Pomidorların qabıqlarını təmizləyin, 4 hissəyə bölün və tumlarını çıxarın.
4. Qabaq, yunan qabağı, bibər və soğanı kub şəklində doğrayın.
5. Qabaq və yunan qabağını 4-6 dəqiqə böyük bir tavada yağda pörtlədin. Tərəvəzlərin qızarmağını gözləyin. Suyunu süzün və təmiz qazana qoyun.
6. 2 q. təzə zeytun yağını tavaya tökün, bibəri təxminən 5 dəqiqə pörtlədin. Bibər hazır olan kimi – onu qazana qoyun.
7. İndi yuyulmuş və qurudulmuş badımcanı 3-4 q. qaynar yağda pörtlədin. Yanmağına imkan verməyin! Badımcan bir az qızardıqdan və yumşaldıqdan sonra (6-8 dəqiqə sonra), onu qazandakı digər tərəvəzlərin yanına göndəririk.
8. 3 q. zeytun yağını tavaya tökün və rəndələnmiş sarımsaq və soğanı qızardın. Şərab əlavə edin, o tamamilə buxarlanmalıdır. Sonra pomidor, 2 q. cəfəri və cirə əlavə edin.
9. Tərəvəzləri az odda 8-12 dəqiqə qızardırıq. Sonra bütün tərəvəzləri əlavə edin və daha 12 dəqiqə az odda bişirin. Tərəvəzlər yumşaldıqdan sonra, onları oddan götürün və səliqə ilə qarışdırın, qalan cəfərini və 4 q. reyhanı əlavə edin.
10. Zövqə görə istiot və duz əlavə edin, qalan reyhanı və təzə sıxılmış limon şirəsini əlavə edin.
11. Həm isti yemək, həm də soyuq qəlyanaltı kimi vermək olar. Makaron və ya fransız baqeti ideal cütlük olacaq.